آزربایجان اوغلو
سحرسحرگول لرآچیب
بولبوله خوش گلدین دئییر
بولبول گوله بئله سویلور :
[ من آزربایجان اوغلویام ]
آتام ( قورقود ) ، آنام ( تومروس )
باش اَیمییَن بابک نسلی
کوراوغلودان الهام آلان
[ من آزربایجان اوغلویام ]
توپراخ یییَر ، توپراخ ساتماز
اوقهرمان ستارخانیم
شیرین قلم شهریاریم
[ من آزربایجان اوغلویام ]
نسیمی لر ، فضولی لر
نظامی لر ، مولوی لر
منیم پارلاخ اولدوزلاریم
[ من آزربایجان اوغلویام ]
گدیک لردن ، تپه لردن
ایلدیریم تک شاخیب گَلَن
آتیلا قهرمانیم وار
[ من آزربایجان اوغلویام ]
تورکومنیم آنادیلیم
سومئرلردن قالان دیلیم
اوغوز منیم آرخام ائلیم
[ من آزربایجان اوغلویام ]
دیل لرنیه لال اولوبدور ؟
سومئرلردن دانیشمیرلار ؟
لولوبی دن ؟ یا کوتی دن ؟
[ من آزربایجان اوغلویام ]
هیتی لردن ؟ کاسی لردن ؟
ایلامی دن ؟ اورارتودان ؟
مانالاردان ؟ سلجوق لاردان ؟
[ من آزربایجان اوغلویام ]
آخرسوزوم بودورمنیم :
اوزونو اوزگه ده گورمه
اوزونه بیرحرکت وئر
ده : [ آزربایجان اوغلویام ]
