علیشیخ  

گئتدین ای یورقون آناقلبیمی ویران ائلدین

منه بوعالمی سن قورخولی زندان ائلدین

سن سیز ای روح روان، قالمادی جسمیمده توان

حشره جک گوزلریمین،اشکینی باران ائلدین

قولاقیمدا هله ده یات بالا لایلای سسی وار

منه گهوارده سن خدمت شایان ائلدین

ئورگیم قانه دونوبدور، سنون هجرونده آنا

غم اندوهه منی هر گئجه مهمان ائلدون

بیرده آغوشیوه ای کاش، آلاییدون منی سن

بوسینیخ قلبیمی چون،خانه ی احزان ائلدون

چوخدی دردیم دور آنا، قویما دوشم چوللره من

نقدر دردیم اولوب دهریده درمان ائلدون

منبع : http://wwwvahidsharifidarabad.blogsky.com