منیم گول تک سولان اوغلوم
علی لای‌لای بالام لای‌لای
جفاده‌ن اوخلانان اوغلوم
علی لای‌لای بالام لای‌لای
منیم گول تک سولان اوغلوم
علی لای‌لای بالام لای‌لای
جفاده‌ن اوخلانان اوغلوم
علی لای‌لای بالام لای‌لای
عطش سنده نمایاندور
عجب حالون پریشاندور
بوغازون پیکرون قاندور
علی لای‌لای بالام لای‌لای
ستمله باغریقان اولدون
خَدَنگه سن نشان اولدون
آچوب گل تک خزان اولدون
علی لای‌لای بالام لای‌لای
یتیب چوخ ظلم قاتلد‌ن
آتیب اوخ چونکی غافلد‌ن
سنی سالدی اوغول دیلد‌ن
علی لای‌لای بالام لای‌لای
سنی گتدیم بو میدانه
وئر‌م سو لعل عطشانه
باتیب جسمون قیزیل قانه
علی لای‌لای بالام لای‌لای
آنان آغلار فراقوندان
کنار اولدون قوجاغیندان
اوپنمز گل دوداغوندان
علی لای‌لای بالام لای‌لای
منیم قلبیم باشی یاندی
کمکلر جمله دوغراندی
بوغازون بئیله اوخلاندی
علی لای‌لای بالام لای‌لای
اوزاق دوشدون گلستاندان
بویاندی جسمون آلقاندان
سو ایچدون نوک پیکاندان
علی لای‌لای بالام لای‌لای
شهید اولدون لبون عطشان
بوغازوندان آخیر آلقان
سنی وئردیم قوزی قربان
علی لای‌لای بالام لای‌لای
باتیبدیر قانه رخسارون
گوز‌لدیر رنگ گلنارون
اوغول بوش قالدی گهوارون
علی لای‌لای بالام لای‌لای
منبع : http://cosar.persianblog.ir/post/825/
