علیشیخ  

تلگرام تالانی

تاپ اولاسان ، قیریلاسان تلگرام

قارنین شی شه ، جیریلاسان تلگرام

یاری ، ائلی الیمیزدن آلیبسان

اوره ک لره ، کینه سالان تلگرام

محبتی ، اوره ک لردن قاپیبسان

بو مولکوده ، چوخ آداملار تاپیبسان

پیش میش یانیر ، آرواد گیریبدی سنه

ائولره سالسبسان ، تالان تلگرام

اوغول منه ، بیر ایستیکان سو یئتیر

آتا دورانمارام ، لینک لریم ایتیر

اوزون بیر فیکیر گور ، گئیم اوور اوللام

قیزدا دئییر منه ، یالان تلگرام

هئچ بیلمیرم کیمنن ، نه غلط ایلیر

گوزوم گوره ، گوره هی یالان سویلیر

سسلی ییرم ، جواب گلمیر هئچ یاننان

اوشاخلاری ، الدن آلان تلگرام

قاش گوزینن ، آروادی باشا سالدیم

اودا لایک قوییر ، یئریمده قالدیم

اون یاشیندا اوغلوم  ، سسلندی منه

الین اوخویوبدور ، بالان تلگرام

آتا بس دی ، اوزین آللاتماجینان

مجازی ایشلره ، چوخ قاتماجینان

باشین سال آشاغی ، روزنامه ن اوخو

بئلیمه سالماز سان ، پالان تلگرام

سن اوتوز یاشیندا  ، قانان ایشلری

یئدیمجی ، بابامین تایی کیشلری

آج آپاریب ، سوسوز گتیررم بویون

هامسینی وئریب ، الان تلگرام

سنه آرواد آلیب آتانلان ، آنان

یاکی به یه نیبدی ، خدیجه خالان

من ایندی دن اوز ، عشقیمی تاپمیشام

هم اوینادان ، هم ده چالان تلگرام

باجیمیز دا ، اوزونه بیر ار تاپیب

بو اوغلانی ، اوز یولداشینلان قاپیب

آنام بیلیر ، اودا سنی آللادیر

کوزه سینیب ، سویو  جالان تلگرام

بیر ائوده ییخ ، آمما آیری قالیریخ

هر بیریمیز ، هاوامیزی چا لیریخ

عمو، عممه ، دائی ، خالا کیمدیلر

اینسانلاری ، قویوب نالان تلگرام

کیشلری ، آرواددان آیری سالیبدی

آرواد گئدیب ، ننه سییلن قالیبدی

اود سالیب ائولره ، هله بیلمیریخ

داشی سالیب ، باشدا قالان تلگرام

اولکه اوشاخلاری ، ال قاتیب ایشه

بلکه چوخلی وییرا ، ریشی یه تیشه

یازیخ جامال ، اوزون قانماز ایله مه

ماموگرام گلیب ، قاچان تلگرام